Die Neije soin do

Es is immer e wing uffreschend, waonn woas Neijes oafengd.
Heid haod en neije Kurs in Palliadivbegleidung oagefange.
Waos warn die Neije so nerves! Awwer nochdem se en Kaffee gedrunge hadde un mer mol gelachd haonn, gings besser! Bis aus Osdfriesland, vum Oùrrewald, aus Worms, nadierlich a vun Dammstadd soin se. E gaonz jung Frau is debei un aach reifere Joahrgäng.
Mer haonn uns verzehld, warum mer lerne wolle, Mensche, die wo schwer krank soin, zu helfe un zu begleide. Mer haonn iwwer unser Familie verzehld, isch vun moim Engelsche, de Lenelotte. Isch haonn aach vun moim Hund un de Fraa verzehld. Un so soin mer naoch achd Stunn ausenannergaonge un dreffe uns die gaonz Woch iwwer, um uns vun Kraongeschwestern, vun emme Doggder un rer Psyscholochin unnerischde zu losse.
Gaonz zum Schluss haonn mer noch e Bild vun uns knibbse loasse. Da, do isses.
Adschee
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.