Gugg emoal wer do babbeld!

Vun dere Zeidung, fer die isch ewe als schreib, wolle se Bilder vun mer. Gud haon isch mer gedengd, kenne se hawwe. Die Bilder sollde misch awwer aach in Aggzjon zeische. Gud haon isch gedengd, kenne se a hawwe. Guggd aonfach emoal ins Indernedd unner „ju duub“. Do kennd er misch finne, woann ehr „Mundart“ un „hessische Dialegd“un „Groß-Zimmern“ oigebd.
Do soin isch zu sehje. Ausgiewisch u n laong un uff hessisch. Doann wisse aa alle Leid, was isch fer aoner soin. Iwwerischens: ab Dunnersdach soin isch Rendner, awwer prerische derf isch immer noch. Isch soin fer e Kolleggde fers Hospiz in Dammstadd zu „kaafe“.
Un weil meer Rendner koa Zeid haon, mach isch misch wirrer ford. Adschee
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.